At marami sa kanila ang nakakita at nakarinig ng mga bagay na hindi masasambit, na hindi pinahihintulutang isulat. At sila ay nagturo, at naglingkod sa isa’t isa; at may pagkakapantay-pantay sila sa lahat ng bagay sa kanila, bawat tao ay nakikitungo nang makatarungan sa isa’t isa. At ito ay nangyari na, na isinagawa nila ang lahat ng bagay maging katulad ng iniutos ni Jesus sa kanila. At sila na nabinyagan sa pangalan ni Jesus ay tinawag na simbahan ni Cristo.