Inyong masdan ako, O Jacob, at Israel na tinawag ko,
sapagkat ako nga; ako ang una, at ako rin ang huli.
Ang aking kamay ang siyang naglagay ng saligan ng mundo,
at ang aking kanang kamay ang siyang nagladlad ng kalangitan.
Ako ay tumatawag sa kanila at sila ay nagsisitayong magkakasama.
Kayong lahat, kayo’y magtipun-tipon, at masdan;
sino sa kanila ang nagpahayag ng mga bagay na ito sa kanila?
Siya ay iniibig ng Panginoon;
oo, at kanyang tutuparin ang kanyang mga salita
na kanyang ipinahayag sa pamamagitan nila;
at kanyang gagawin ang kanyang ikasisiya sa Babilonia,
at ang kanyang bisig ay ipapataw sa mga taga-Caldeo.
Gayon din, wika ng Panginoon;
Ako ang Panginoon, oo, ako ay nagsalita;
Oo, tinawag ko siya na magpahayag,
aking dinala siya,
at kanyang pagiginhawain ang kanyang mga gawain.Kayo ay magsilapit sa akin;
hindi pa ako nagsalita nang lihim;
mula pa sa simula,
mula sa panahong ipinahayag ito ako ay nagsalita;
At ang Panginoong Diyos, at kanyang Espiritu, ang nagsugo sa akin.
At ganito ang wika ng Panginoon, ang inyong Manunubos, ang Banal ng Israel;
Isinugo ko siya,
ang Panginoon mong Diyos
na nagtuturo sa iyo ng mapakikinabangan,
na pumapatnubay sa iyo
sa daang nararapat mong lakaran,
ang gumawa nito.O kung dininig mo ang aking mga kautusan—
ang iyong kapayapaan ay matutulad sa isang ilog,
at ang iyong mga katwiran ay parang mga alon sa dagat.Ang iyong mga binhi ay naging parang buhangin din;
ang sisidlan ng iyong tiyan ay parang mga butil niyon;Ang kanyang pangalan ay hindi mahihiwalay
ni magigiba man sa harapan ko.
Kayo ay magsilabas sa Babilonia, inyong takasan ang mga taga-Caldeo,
kayo ay magpahayag ng may tinig ng awitan,
inyong sabihin ito, itanyag ninyo hanggang sa katapusan ng mundo;
Inyong sabihin: Tinubos ng Panginoon ang kanyang tagapaglingkod na si Jacob.
At sila ay hindi nangauhaw; pinatnubayan niya sila sa mga ilang;
kanyang pinaagos ang tubig mula sa malaking bato para sa kanila;
Kanyang ginuwangan din ang malaking bato at bumukal ang tubig.
At sa kabila ng lahat ng ginawa niyang ito, at higit pa rito,
walang kapayapaan, wika ng Panginoon, sa masasama.