Sigalot sa Pagitan ni Lib at Coriantumer

Eter 14:11

Si Coriantumer ay bumalik muli mula sa ilang, at sumalakay kay Lib.

At ito ay nangyari na, na sa unang taon ni Lib, si Coriantumer ay nagtungo sa lupain ng Moron, at nakidigma kay Lib.

Eter 14:12

Nasugatan ni Lib si Coriantumer, subalit nagawa ni Coriantumer na maitaboy si Lib palabas ng kaharian at tinugis siya hanggang sa baybayin.

At ito ay nangyari na, na siya ay nakipaglaban kay Lib, kung saan siya ay nasaksak ni Lib sa kanyang bisig kung kaya’t siya ay nasugatan; gayon pa man, ang hukbo ni Coriantumer ay sumalakay kay Lib, kung kaya’t siya ay tumakas sa mga hangganan sa dalampasigan.

Eter 14:13

Ang dalawang hukbo ay naglaban sa dalampasigan.

At ito ay nangyari na, na tinugis siya ni Coriantumer; at si Lib ay nakidigma sa kanya sa dalampasigan.

Eter 14:14

Si Lib ay nakakuha ng kalamangan laban kay Coriantumer, na siyang tumakas papunta sa ilang ng Akis.

At ito ay nangyari na, na binagabag ni Lib ang hukbo ni Coriantumer, kung kaya’t sila ay muling nagsitakas patungo sa ilang ng Akis.

Eter 14:15

Nagpatuloy sa pagtugis si Lib, at naitaboy si Coriantumer sa ilang ng Agos.

At ito ay nangyari na, na tinugis siya ni Lib hanggang sa siya ay makarating sa kapatagan ng Agas. At isinamang lahat ni Coriantumer ang mga tao sa kanya nang siya ay tumakas sa harapan ni Lib sa dakong yaon ng lupain kung saan man siya tumakas.

Eter 14:16–17

Naglaban si Coriantumer at Lib sa kapatagan ng Agos—si Lib ay napatay, si Coriantumer ay umurong, at ang kapatid ni Lib na si Shiz ang humalili sa kanya.

At nang marating niya ang kapatagan ng Agas siya ay nakidigma kay Lib, at kanyang sinaksak siya hanggang sa siya ay mamatay; gayon pa man, ang kapatid na lalaki ni Lib ay sumalakay na kahalili niya laban kay Coriantumer, at ang digmaan ay naging napakasidhi, kung saan si Coriantumer ay muling tumakas sa harapan ng hukbo ng kapatid ni Lib. Ngayon, ang pangalan ng kapatid na lalaki ni Lib ay tinatawag na Shiz.