Ngayon ako, si Moroni, ay sumusulat kahit paano nang inaakala kong makabubuti; at ako ay sumusulat sa aking mga kapatid, ang mga Lamanita; at nais kong kanilang malaman na mahigit na apat na raan at dalawampung taon na ang lumipas magmula nang ibigay ang palatandaan ng pagparito ni Cristo.
Masdan, nais kong ipayo sa inyo na kung inyong mababasa ang mga bagay na ito, kung karunungan sa Diyos na mabasa ninyo ang mga yaon, na inyong maalaala kung paano naging maawain ang Panginoon sa mga anak ng tao, mula sa paglikha kay Adan, maging hanggang sa panahong inyong matanggap ang mga bagay na ito, at pagbulay-bulayin ang mga yaon sa inyong mga puso.
At kapag inyong matanggap ang mga bagay na ito,
ipinapayo ko sa inyo na itanong ninyo sa Diyos,
ang Amang Walang Hanggan,
sa pangalan ni Cristo,
kung ang mga bagay na ito ay hindi totoo;
At kung kayo ay magtatanong nang may matapat na puso,
na may tunay na layunin,na may pananampalataya kay Cristo,
kanyang ipaaalam ang katotohanan nito sa inyo,
sa pamamagitan ng kapangyarihan ng Espiritu Santo.
At sa pamamagitan ng kapangyarihan ng Espiritu Santo,
malalaman ninyo ang katotohanan ng lahat ng bagay.
At ano mang bagay na mabuti ay matwid at totoo; anupa’t walang mabuting magtatatwa kay Cristo, kundi kikilalanin na yaon siya. At inyong makikilala na siya nga yaon, sa pamamagitan ng kapangyarihan ng Espiritu Santo; kaya nga, nais kong payuhan kayo na huwag ninyong itatatwa ang kapangyarihan ng Diyos; sapagkat siya ay gumagawa sa pamamagitan ng kapangyarihan, alinsunod sa pananampalataya ng mga anak ng tao, siya rin ang ngayon, at bukas, at magpakailanman.
At muli, ipinapayo ko sa inyo, mga kapatid ko, na huwag ninyong itatatwa ang mga kaloob ng Diyos, sapagkat ang mga yaon ay marami; at ang mga yaon ay nanggagaling sa yaon ding Diyos. At maraming iba’t ibang paraan na ang mga kaloob na ito ay pinamamahalaan; ngunit ng yaon ding Diyos na siyang gumagawa ng lahat-lahat; at yaon ay ibinibigay sa pamamagitan ng mga paghahayag ng Espiritu ng Diyos sa tao, sa kapakinabangan nila.
Sapagkat masdan, sa isa ay ibinibigay sa pamamagitan ng Espiritu ng Diyos,
na kanyang maituro ang salita ng karunungan.
ang salita ng kaalaman sa pamamagitan ng Espiritu ring yaon;
At sa isa, napakalaking pananampalataya;
at sa iba, ang mga kaloob na pagpapagaling sa pamamagitan ng Espiritu ring yaon.
at muli, sa iba, na siya ay makagawa ng mga makapangyarihang himala;
at muli, sa iba, na siya ay makapagpropesiya hinggil sa lahat ng bagay;
At muli sa iba,
ang makakita ng mga anghel at ng naglilingkod na mga espiritu;
At muli, sa iba, lahat ng uri ng wika;
At muli, sa iba, ang pagpapaliwanag ng mga salita
at iba’t ibang uri ng mga wika.
At ang lahat ng kaloob na ito ay ipinagkakaloob ng Espiritu ni Cristo;
at ang mga yaon ay ipinagkakaloob nang kani-kanya sa bawat tao alinsunod sa kanyang kalooban.
At nais kong payuhan kayo, mga minamahal kong kapatid,
na inyong pakatandaan na ang bawat mabuting kaloob ay nagmumula kay Cristo.
At nais kong payuhan kayo, mga minamahal kong kapatid, na inyong tandaan
na siya rin ang kahapon, ngayon, at magpakailanman,
at na ang lahat ng kaloob na aking winika
na pawang espirituwal ay hindi kailanman mapatitigil
maging hanggang sa ang mundo ay nakatindig,
tanging alinsunod lamang sa kawalang-paniniwala ng mga anak ng tao.
Kaya nga, kailangang magkaroon ng pananampalataya;
at kung may pananampalataya ay kinakailangang may pag-asa rin;
at kung may pag-asa ay kinakailangang may pag-ibig sa kapwa-tao rin.
At maliban kung mayroon kayong pag-ibig sa kapwa-tao,
kayo ay hindi maaaring maligtas sa kaharian ng Diyos;
ni kayo ay maliligtas sa kaharian ng Diyos kung kayo ay walang pananampalataya;
ni kayo ay maliligtas kung kayo ay walang pag-asa.
At kung kayo ay walang pag-asa kayo ay talagang nasa kabiguan;
at ang kabiguan ay dumarating dahil sa kasamaan.
At tunay na sinabi ni Cristo sa ating mga ama:
Kung kayo ay may pananampalataya, magagawa ninyo ang lahat ng bagay
na kapaki-pakinabang sa akin.