Ang Panahon ng Mga Jaredita

Ang Pagkabihag ni Hertum, Het, Aaron, Amnigadas, Coriantum at Com

Eter 10:30

Humalili si Hartom sa kanyang ama bilang hari, subalit siya ay napabagsak at dinalang bihag.

At ito ay nangyari na, na si Hertum ay nagharing kahalili ng kanyang ama. At nang si Hertum ay makapaghari na ng dalawampu at apat na taon, masdan, inagaw mula sa kanya ang kaharian. At siya ay nanilbihan ng maraming taon sa pagkabihag, oo, maging sa lahat ng nalalabi niyang mga araw

Eter 10:31

Ang anak ni Hartom na si Het, at ang anak ni Het na si Aaron, at ang anak ni Aaron na si Amnigadas, at ang anak ni Amnigadas na si Coriantum ay namuhay lahat bilang mga bihag; si Coriantum ay may isang anak na lalaki na nagngangalang Com.

At isinilang sa kanya si Het, at si Het ay namuhay sa pagkabihag sa lahat ng kanyang mga araw. At isinilang kay Het si Aaron, at si Aaron ay namalagi sa pagkabihag sa lahat ng kanyang mga araw; at isinilang sa kanya si Amnigadas, at si Amnigadas ay namalagi rin sa pagkabihag sa lahat ng kanyang mga araw; at isinilang sa kanya si Coriantum, at si Coriantum ay namalagi sa pagkabihag sa lahat ng kanyang mga araw; at isinilang sa kanya si Com.

Eter 10:32

Nagawa ni Com na mabawi ang kalahati sa kaharian; pagkatapos ay nakidigma siya sa karibal na hari, na si Amgid, at naging matagumpay sa pagsakop sa buong kaharian.

At ito ay nangyari na, na nahimok ni Com palayo ang kalahati ng kaharian. At siya ay naghari sa kalahati ng kaharian ng apatnapu at dalawang taon; at siya ay nakidigma laban sa hari, na si Amgid, at sila ay naglaban sa loob ng maraming taon, kung saan ay nakakuha ng kapangyarihan si Com kay Amgid, at natamo ang kapangyarihan sa nalalabi pa sa kaharian.

Eter 10:33–34

Ang mga lihim na organisasyon ng nakalipas ay muling lumitaw, sa kabila ng mga gawaing pagsalungat ni Com.

At sa mga araw ni Com ay nagsimulang magkaroon ng mga tulisan sa lupain; at sinunod nila ang mga lumang plano, at inihayag ang mga sumpa alinsunod sa pamamaraan ng mga sinauna, at muling naghangad na wasakin ang kaharian. Ngayon, si Com ay labis na nakipaglaban sa kanila; gayon pa man, siya ay hindi namayani laban sa kanila.

Eter 11:1–4

Maraming mga propeta ang lumitaw at nagbabala laban sa mga lihim na lipunan ng kasamaan; ang mga propeta ay may direktang kaugnayan kay Com, na siyang pinagpala, at nagkaroon ng anak na nagngangalang Siblom.

At nagkaroon din ng maraming propeta sa mga araw ni Com, at iprinopesiya ang pagkalipol ng mga yaong makapangyarihang tao maliban kung sila ay magsisisi, at bumaling sa Panginoon, at talikdan ang kanilang mga pagpaslang at kasamaan. At ito ay nangyari na, na ang mga propeta ay itinakwil ng mga tao, at sila ay nagsitakas patungo kay Com upang mapangalagaan, sapagkat hinangad ng mga tao na patayin sila. At sila ay nagpropesiya ng maraming bagay kay Com; at siya ay pinagpala sa lahat ng nalalabi niyang mga araw. At siya ay nabuhay sa mainam na katandaan, at isinilang sa kanya si Siblom; at si Siblom ay nagharing kahalili niya.