Sa aba nila na nag-uutos ng masasamang utos,
_at yaong sumusulat ng kasuwailan na kanilang ipinapayo;
Upang pagkaitan ng katarungan ang mga nangangailangan,
_at alisan ng karapatan ang mga maralita ng aking mga tao,
_upang ang mga babaing balo ay kanilang maging pain,
_at upang kanilang manakawan ang mga ulila!
At ano ang iyong gagawin sa araw ng kaparusahan,
_at sa pagkawasak na darating mula sa malayo?
_Kanino kayo tatakbo upang humingi ng tulong?
_At saan mo iiwan ang iyong kayamanan?
Kung wala ako ay yuyukod silang kasama ng mga bihag,
_at mabubuwal silang kasama ng mga napatay.
Sa lahat ng ito ang kanyang galit ay hindi napapawi,
_kundi nakaunat pa rin ang kanyang kamay.