Ang Kapangyarihan para Magbinyag

At ito ay nangyari na, na siya ay nangusap kay Nephi (sapagkat si Nephi ay nasa maraming tao) at kanya siyang inutusan na nararapat siyang lumapit.

At si Nephi ay tumayo at lumapit, at iniyukod ang kanyang sarili sa harapan ng Panginoon at hinagkan ang kanyang mga paa. At ang Panginoon ay nag-utos sa kanya na tumayo siya. At siya ay tumayo at tumindig sa harapan niya.

At ang Panginoon ay nagsabi sa kanya:

Ibinibigay ko sa iyo ang kapangyarihan na binyagan mo ang mga taong ito kapag ako ay umakyat nang muli sa langit.

At muli ang Panginoon ay tumawag pa ng iba, at gayon din ang sinabi sa kanila; at binigyan niya sila ng kapangyarihan na magbinyag.

Ngayon, ang bilang ng mga yaong tinawag, at tumanggap ng kapangyarihan at karapatan na magbinyag, ay labindalawa.

Masdan, si Nephi at ang kanyang kapatid na kanyang ibinangon mula sa patay, na ang pangalan ay Timoteo, at gayon din ang kanyang anak, na ang pangalan ay Jonas, at gayon din si Mathoni, at si Mathonihas, na kanyang kapatid, at si Kumen, at si Kumenonhi, at si Jeremias, at si Semnon, at si Jonas, at si Zedekias, at si Isaias—ngayon, ito ang mga pangalan ng mga disipulo na pinili ni Jesus

At kanyang sinabi sa kanila:

• Walang pagtatalo
• Paano magbinyag
• Diyos
• Ang pagtatalo ay gawa ng demonyo
• Magsisi at sumampalataya
• Magpatibay ng pananampalataya
• Doktrina ng Ama, Anak, at Banal na Espiritu
• Maging tulad ng mga batang bata
• Itayo sa ibabaw ng bato
• Huwag magtayo sa buhangin
• Ipagpahayag ang salita ng Diyos.