Gumising, gumising! Magbihis ng kalakasan,
_O bisig ng Panginoon;
_gumising nang gaya ng mga sinaunang araw.
Hindi ba’t ikaw ang pumutol ng Rahab,
_at sumugat sa dragon?
Hindi ba’t ikaw ang tumuyo sa dagat,
_sa tubig ng malaking kailaliman;
_na iyong ginawang daan ang kailaliman ng dagat
_upang daanan ng mga natubos?
Sa gayon, ang mga tinubos ng Panginoon ay magsisibalik,
_at magsisiparoong may awitan sa Sion;
_at walang hanggang kagalakan at kabanalan
_ay mapapasakanilang mga ulo;
_at matatamo nila ang kasayahan at kagalakan;
_ang kalungkutan at pagdadalamhati ay mapapawi.