Ang Tinig ni Kristo

At ito ay nangyari na, na may tinig na narinig sa lahat ng naninirahan sa lupain, sa ibabaw ng buong lupaing ito,

• Kagipitan sa bayang ito
• Sinira ang Zarahemla, Moroni, at Moronihah.
• Lumubog ang Onihas, Mokum, at Jerusalem.
• Nilibing sina Gadiandi, Gadiomnah, Jacob, at Gimgimno.
• Sinunog si Jacobugath
• Sinunog nila si Laman, Jos, Gad, at Kishkumen.
• Nawasak ang kasamaan
• Kasuklam-suklam ang nagdudulot ng pagkawasak
• Ang mga matuwid ay pinatawad.
• Lumapit kay Cristo para sa walang hanggang buhay.
• “Ako si Jesucristo.”
• Maging mga anak ng Diyos
• Wakas ng mga hain ng dugo
• Nag-aalok ng pusong sugatan
• Halina bilang isang munting bata

At ngayon masdan, ito ay nangyari na, na narinig ng lahat ng tao ng lupain ang mga salitang ito, at sumasaksi rito. At matapos ang mga salitang ito ay nagkaroon ng katahimikan sa lupain sa loob ng maraming oras; Sapagkat labis-labis ang panggigilalas ng mga tao, kung kaya’t nagsitigil sila sa pananaghoy at paghagulgol dahil sa pagkawala ng kanilang mga kaanak na napatay; anupa’t nagkaroon ng katahimikan sa buong lupain sa loob ng maraming oras.

At ito ay nangyari na, na may tinig na nangusap na muli sa mga tao, at narinig ng lahat ng tao, at sumasaksi rito, sinasabing:

• Nagtipon bilang mga manok
• Pagtanggi sa Kristo
• Magsisi at bumalik
• Pagtatapos ng kasunduan

At ngayon ito ay nangyari na, na matapos marinig ng mga tao ang mga salitang ito, masdan, sila ay nagsimulang muling magsipanangis at magsipaghagulgol dahil sa pagkawala ng kanilang kaanak at mga kaibigan.

At ito ay nangyari na, na sa gayon lumipas ang tatlong araw. At ito ay sa umaga, at ang kadiliman ay naglaho mula sa ibabaw ng lupain, at ang lupa ay tumigil sa pagyanig, at ang mga bato ay tumigil sa paghahati-hati, at ang mga kakila-kilabot na paghihinagpis ay tumigil, at ang lahat ng malakas na ingay ay lumipas.

At ang lupa ay muling nagsama, kung kaya’t nanatili ito; at ang pagdadalamhati, at ang pananangis, at ang paghagulgol ng mga taong naligtas na mabuhay ay nagsitigil; at ang kanilang pagdadalamhati ay naging kagalakan, at ang kanilang mga pananaghoy ay naging pagbibigay-puri at pasasalamat sa Panginoong Jesucristo, na kanilang Manunubos.

At sa gayon natupad ang mga banal na kasulatan na winika ng mga propeta. At ang higit na mabubuting bahagi ng mga tao ang naligtas, at sila itong mga tumanggap sa mga propeta at hindi sila pinagbabato; at sila itong mga hindi pinadanak ang dugo ng mga banal, na mga naligtas— At sila ay naligtas at hindi nahulog at nalibing sa lupa; at hindi sila nalunod sa kailaliman ng dagat; at hindi sila nasunog ng apoy, ni hindi sila nabagsakan at nadurog sa kamatayan; at hindi sila natangay ng buhawi; ni hindi sila nadaig ng abu-abo ng usok at ng kadiliman.